Ella Marie beasai viidáset

Sápmelaš násti Ella Marie Hætta Isaksen lei okta dain gii beasai viidáset ievttá Stjernekamp-gilvvuin. Son lávllui Jarle Bernhoft lávlaga «Stay With Me». Duopmárat rámidedje su ja tv-geahččit jienastedje su. Hilde Louise Asbjørnsen fertii gis guođđit prográmmaráiddu, mas vuoiti sáhttá iežas gohčodit Norgga čeahpemus guoimmuheaddjin.