NRK Meny

Eai vel oaččo roggagoahtit

Jokkmokk Iron Mines ruvkefitnodat ii vil oaččo lobi roggagoahtit minearáláid Gállohis, johkamohki gielddas. Ruota ráđđehus lea odne gieđahallan ášši ja sádde dan fas ruovttoluotta Bergstatenii, eiseváldi mii gieđahalla ruvkeáššid Ruoŧas. Dát galga guorahallat ášši viidaset. Ruvkeplánát leat bohccidahttan stuora nákkuid. Boazodoalu beroštumit ja luonttugáhtten leat vihkkedallon bargosajiid ja ekonomalaš vuoittuit ektui. Ovddit geasi serve ollu sápmelaččat miellačájehiimiide Gállok ruvkki vuosta.