NRK Meny

Eai beassan seaivut Nuukii

Girdi man mielde ledje earret eará NRK Sámi TV-joavku ja Jamal-Nenets Árktalaš dálveriemuid joavku, ii sáhttán ikte eahkes seaivut Nuuk girdihápmanii. Girdikapteaidna fertii loahpahit seaivuma go garra biegga ja čođđalat dagahii, ahte propeallat ja soaját jiekŋugohte. Girdi fertii máhccat ruovttoluotta Kangerlussuaq girdihápmanii, gos dat sulli 40 olbmo leat idjadan.