NRK Meny

Eai beasa váldit oahpu

Finnmárkku oahpahuslihtu jođiheaddji Kari Lium lea fuolastuvvan go dušše juohke goalmmát oahpaheaddji gii háliida váldit lassi oahpu Finnmárkkus beassá dahkat dan. Dainna lágiin manaha Finnmárku vejolašvuođa oažžut buori gelbbolašvuođa hálbái, lohká Lium. Badjel 7000 oahpaheaddji miehtá riikka leat ohcan váldit lassioahpu, muhto Finnmárku lea dat fylka gos biehttalit eanemus ohcamiid. Lea suohkaniid ovddasvástádus addit oahpaheddjiide vejolašvuođa váldit lassi oahpu.