Dát noveallačoakkáldat lea ráhkásmuvvama ja ráhkisteami birra, ja soaitá leat maiddái dan birra ahte duostat guldalit váimmus.
Guhttanuppelot čálli iešguđetge giellaguovllus leat čállán nuorra ráhkesvuođa birra Davviriikkain anno 2010.
Dás beassá lohkat ráhkesmuvvamis, ráhkisteamis, áibbašeamis ja váillaheamis. Muhto maiddái dan birra go olmmoš beahttá nuppi dahje go behtohallá nubbái.
Dát čoakkáldat gávdno sáme-, feara-i, ruonáeatnama-, islándda-, suoma-, dánska-, ruoŧa- ja dárogillii.
Otne, juovlamánu 1. beaivvi almmuha Davvi Girji dán noveallačoakkáldaga Sámedikkis.