Norgga duopmostuoluid duopmárat galget dál šaddat đeahppit doaimmahit sámi áššiid. Duopmostuolu hálddahusa bargojoavku áigo nannet ja vuhtiiváldit sámi dimenšuvnna riektedoaimmahagas.
- Lea dehalaš, ahte duopmáriin lea gelbbolašvuohta ja diehtu sámi áššiin ja árbevieruin, go doaimmahit barggu, lohká bargojoavkku jođiheaddji Finn-Arne Selfors.
Bovden gulaskuddamii
Ikte lei Norgga duopmostuolu hálddahusa bargojoavku bovden iešguđet organisašuvnnaid gulaskuddančoahkkimii Romssa diggevissui.
Boazodoallo hálddahusa Romssa ossodaga ágronoma Ánte Bals mielas lea dehálaš sámi riektesihkkarvuoda nannet.
Boazodoalloágronoma Ante Bals.
Foto: NRK- sii geahččaledje oaččut ovdan, ahte sámi- ja boazodoallokultuvrras lea vehá erenomaš gulahallanvuohki ja soitá leat vehá earálagan riekteipmárdus ja dan ferte oaččut mielde riektevuogadahkii, nu ahte sámegielagiin riektesihkkarvuohta šadda seamma nánus, go dážaid ja darogielagiid, lohka Bals.
Vuhtiiváldit sámi rivttiid
Duopmostuollo hálddahus háliida vuhtiváldit sámi álbmoga rivttiid, nugo Norgga vuođđolágas celkko sámilága bokte mii dohkkehuvvui 90 logu loahpas.
Duopmohálddahusa bargojoavkku jođiheaddji Finn-Arne Selfors, muitalii, mo sii áigot dan dahkat.
- Leamašan sáhka das, ahte go buot duopmárat čađahit álgokurssa, de maiddái sámidimenšuvdna galgá dasa mielde. Davvin ja sámeguovlluin galggašii kursa, mas ohppet eambbo sámi árbevieruin ja sámi riekteipmárdusas, čilge Selfors.
GULDAL:
