Duiska čuoigi roasmmehuvvan
Duiska čuoigi oačču dál divššu Romssa buohcciviesus maŋŋel go son gáhčai váris. Dievdu gáhčai váris máŋga čuođi mehtera Russelvfjelletis, Davit-Ittarvuonas, Ivgu suohkanis, Davvi-Romssas. – Dievddu leat ain dikšume, go sus leat kritihkalaš vahát, dadjá UNN buohcciviesu gulahallanráđđeaddi, Per-Christian Johansen, NRK:i sotnabeaivvi diibmu logis eahkes. Politiijat ožžo dieđu lihkohisvuođa birra vuosttaš beassášbeaivvi diibmu njealjis maŋŋelgaskabeaivvi.