Dállu lea vihtta mehtera alu

Dihtolágan hámit geavahuvvojit go mihtut muitaluvvojit, omd. man guhkki, allat, govdat duot dát lea.

Hus i Skogsnäs
Foto: Kristian Aanensen

Allosaš

Allosaš-hápmi geavahuvvo attribuhttan. Dat mearkkaša ahte dát hápmi lea dan sáni ovddabealde man birra leat muitaleamen, omd. vihtta mehtera allosaš dállu.

Eará ovdmearkkat: guđa mehtera guhkkosaš báddi; guokte mehtera govdosaš skáhppa.

Alu

Alu-hápmi geavahuvvo gis dalle go sátni man birra leat muitaleamen lea subjeaktan dahjege sierra cealkkalahttun, omd. Dállu lea vihtta mehtera alu.

Eará ovdamearkkat: Báddi lea guđa mehtera guhku; Skáhppa lea guokte mehtera govddu.

Genitiiva vai akkusatiiva?

Dánlágan ráhkadusain genitiivahápmi muitala sullii mihtu, omd. viđa mehtera allosaš dállu, ja akkusatiiva gis dárkilis mihtu, omd. vihtta mehtera allosaš dállu.

Loga eambbo Konrad Nielsena girjjis Grammatikk, s. 313, dahje eará giellaoahppagirjjiin.