Jårgalæddji historjá
Vieljažagat John Trygve, Aage ja Odd Iver Solbakk dat álggahedje Jårgalæddji lágádusa Deanus. Sin jurdda lei ahte áigo fállat jorgalan-bálvalusa, muhto eai lean nu ollus geat dárbbašedje sin bálvalusa.
John Trygve váccii 70-logu álggus skuvlla Oslos, ja dalle ledje ge Deatnogátte Nuorat beaggigoahtán musihkainis. Solbakk hástalii joavkku boahtit Osloi báddemii. Dien áiggi eai gávdnon galle girjji dahje musihkkaskearru sámegillii, ja dása dat háliidedje ge Solbakk-vieljažat váikkuhit.
Historjá lea goit nu ahte Jårgalæddji almmuhii skearruid mat duollet dálle ain gullostit radios, mat leat šaddan sámi "klássihkkárin".
Go "buohkat" han várra muitet earret eará Ivnniiguin, Máze Nieiddat, Mathis Hætta, Piera Balto, Biret Elle, Ámmun Johnskareng ja Ann Jorid Henriksen?
Muhto, vaikko sámi musihkka almmuhuvvui, de báhce goit máŋga čuođi skearru vuovddetkeahttá dalle go Jårgalæddji reastaluvai 1987s. Daid osttii John Trygve Solbakk ođđa fitnodat, Davvi Media, ja danne leat Solbakkas dát skearrus ain iežas duohken kássaid siste.
