Searvvi jođiheaddji Kjell Ingebrigtsen gáibida dál ráđđehusa rievdadit njuolggadusaid nu ahte earregávppašeapmi sáhttá dáhpáhuvvat miehtá Norgga beroškeahttá fylkarájáin.
Dálá njuolggadusaid vuođul Finnmárkku guolásteaddjit eai beasa vuovdit guolleeriid eará fylkka ássiide nie mo Norgga eará bivdit muđui sáhttet.
Tinii 40 mijovnna ruvnnu fárrema geažil
NRK Sápmi lea ovdal muitalan makkár váikkuhusat dálá njuolggadusain sáhttet leat. Álttá guolásteaddji Sondre Kristoffersen (23) 2013 čavčča válljii fárret oktan bearrašiin eret Finnmárkkus Ánddasullui Nordlándii.
– Mu bearrašis ii lean geasge miella fárret eret Finnmárkkus. Muhto lei bággu dan dahkat vai fitnodat ii reastaluva, logai Sondre Kristoffersen NRK Sápmái dalle.
Dán mearrádusa geažil son
.– Unnán válljenmunni
Ovdalis son lei árben Sondre Rødberg Kristoffersen nammasaš bivdofanasrederiija maid su áhčči lei ásahan. Áhčis jápmima geažil Sondre gárttai jođihišgoahtit bearraša fitnodaga gos ledje golbma bivdofatnasa.
Artihkal joatkašuvvá gova maŋábealde:
Nuorra bártnis ii lean seamma gelbbolašvuohta go áhčistis jođihit fitnodaga, ja balai reastaluvvamis. Go eai lean doarvái buori oastit Finnmárkkus, de son váldiid fatnasiid ja guolleeriid mat gulle fatnasiidda, mielde Ánddasullui. Dáppe son vuvdii guokte fatnasa ja daid guolleeriid.
– Lei veadjemeahttun vuovdit daid Finnmárkkus seamma buorre haddái go Norlánddas, son dalle dovddastii.
Badjelaš jagi maŋŋá Sondre fas lea fárren ruovttoluotta Áltái, čállá
.- Loga dárogillii:
– Eahpevuoiggalaš ortnet
Norgga Guolástussearvvi jođiheaddji Kjell Ingebrigtsen ballá dálá njuolggadusaid doalvut maiddái eará Finnmárkku bivdiid seamma dillái go Sondre lea leamašan.
– Guolásteaddjit dávjá iešguđet sivaid geažil gártet heaitit ja vuovdit sihke fatnasiid ja guolleeriid. Dalle ii leat vuoiggalaš ahte dát gávpi galgá dáhpáhuvvat dušše Finnmárkkus, oaivvilda Ingebrigtsen.
Friddja gávppašeami geažil guolásteaddjiide šaddá maid buoret vejolašvuohta háhkat lassiguolleeriid, son dovddaha.
Norgga Guolástussearvvi ovddeš jođiheaddji Reidar Nilsen doarju Ingebrigtsena.
– Finnmárkku guolásteddjiin galggašii leat seamma vuoigatvuohta go muđui Norggas vuovdit eriid nu go háliidit, vai eriin šattašii seamma árvu miehtá Norgga, Reidar Nilsen lohká NRK:i.
Ballá eriid sirdašuvvat máttás
Norgga Riddoguolástussearvi ges dovddaha garra vuostemiela rievdadit dálá njuolggadusaid.
– Jus nu dahket, de earit dađistaga sirdašuvvet eret Finnmárkkus máttás guvlui. Guhkit áiggi ektui dat livččii lean stuorra vahágiin Finnmárkui, jođiheaddji Arne Pedersen oaivvilda.
Su mielas earit galggašedje vel čavgadet čadnojuvvot fylkkaide.