Dáhtošii sihkastit bassebeaivveráfi
Norgga kulturministtar Trine Skei Grande dáhtošii sihkastit bassebeaivveráfilága. Sáhka vuolgá dasgo NRK čálii ahte soapmásat ledje vuorjašuvvan go muhtin barggánis olbmot eai ásttan basuhit, muhto barge ja rikkerejedje bassebeaivve. Mannan duorastaga lei allabassi, Kristus albmáimannan beaivi, dalle bohte váidagat politiijaide miehtá riika, gos olbmot muitaledje ahte sis ii lean bassebeaivve ráfi. Dát buollahii divaštallama sosiálamedian, ja kulturministtar Trine Skei Grande doarju sin geat oaivvildit dien lága leat boaresáigasažžan ja leage árvalan dan jávkadit, nu čállá NRK .