Cealkán garra sániid
Maŋemuš áigge leat politiiját gártan máŋgga dálus fitnat siskkit-Sáltus, go sosiála mediaid bokte leat garra sániid cealkán dorvoohcciid vuostá. Leansmánne Robin Johnsen dieđuid miel, de lea máid sáhka goddináitagiin. Johnsen maid lohká ahte ii leat mihkkige mii čujuhivččii dan guvlui ahte dát olbmot duohtandahket iežaset áitagiid, muhto sii dattetge dáhttot dustet dákkár garra celkosiid, vai dat eai giktal earáid dahkat rihkkosiid.