Boazodoallit bivdán Gáldus veahki

Sámediggeráđđi juolluda 100.000 kruvnnu Gáldu álgoálbmotguovddážii lágidit seminára boazodoalolága ja álbmotrievtti birra.

Reinsamling i Lovozero

Čájáhusgovva. Boazodoallit leat bivdán Gáldus veahki oažžut čiekŋaleappo láhkaáddejumi sihke našunála ja riikkaidgaskasaš dásis.

Foto: ALISSA DE CARBONNEL / AFP
Máret Inger Aslaksdatter Anti
Åse Pulk
Journalist
Thomas Åhren

Sámedikki ráđđelahttu Thomas Åhren.

Foto: Pressebilde: Norske Samers Riksforbund

Seminára lágiduvvo boazologuheivehanproseassa oktavuođas.

Boazodoallit bivdán Gáldus veahki

Boazodoallit leat bivdán Gáldus veahki oažžut čiekŋaleappo láhkaáddejumi sihke našunála ja riikkaidgaskasaš dásis.

Sámedikki ráđđelahttu Thomas Åhren lohká ahte lea dárbu dákkár seminárii.

– Háliidit oahppat eanet boazodoalolága birra

Sámediggeráđđi leat ožžon boazodolliin signálaid ahte sii háliidit dákkár seminára gos besset oahppat eanet boazodoalolága ja álbmotrievtti birra.

– Sii háliidit diehtit makkár vejolašvuođat leat mannat viidáseappot boazologu heivehanáššiin daid riikkaidgaskasaš vuoigatvuođaid ektui, ja daid konvenšuvnnaid ektui maid Norga lea geatnegahtton čuovvut, lohká Åhren.

Åhren lohká ahte seminára boađus sáhttá šaddat ahte muhtin vállje doalvut viidáseappot ášši mas eiseválddit gáibidit unnidit boazologu.

Guldal ášši: