Vuosttaš golgolaš gean beasat deaivat ízü Golgolaš ráiddus lea Ellen Oline Sara. Son lea Guovdageainnus eret, ja lea 21 jahkasaš.
Ellen Oline lea orron jagi Californias, Amerihkas. Doppe son lei biigan ovtta bearrašis, gos maid orui. Son gohkki guokte máná go váhnemat leigga barggus, muhto maŋŋa 16, de lei sus lei friddja.
Ellen Oline muitala ahte lea leamašan hirbmát somás jahki, ja lohká iežas oahppan hui olu. Son lea oahppan dan, maid ii makkarge skuvllas sáhte oahppat, ja dan son lohká hui mávssolažžan!
- Muhto heajain leat gávtti haga, dat gal lei artet muitala Ellen Oline.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.