NRK Meny
Normal

Duoppil Dappil lávkestan

Golgolaččain geainna ízû dan háve deaivvadii lea máhcan fas sápmái, maŋŋá go lea mátkkoštan 4 mánu nuppe bealde meara!

Maret Biret ja Machu Picchu
Foto: Govva: privat / NRK

Máret Biret Skoglund Sara lea bajásšaddan Kárášjogas, son lea 21 jagi ja lea leamašan mátkis maŋemus 4 mánu. Álggos lei son 2 vahku Brasilas, 5 vahkku Perus ja eambbo go guokte mánu Dominikána Republihkas.

Gula sáddaga gos Máret Biret muitalii iežas mátki birra

–Mus lei miella oahppat spánskka giela. Ja ledjen álggos mearridan ex.phil vuolgit lohkát, muhto de jurddašin ahte háliidan baicce bargat eaktodáhtolaččat. Lean gullan ahte go lohket dan exphil de dušše juhket! Nu muitala Máret Biret.

Máret Biret ja olbmát

Máret Biret ja sus guokte olbmá, sáttogáttis Dominikána Republihkas.

Foto: govven: Priváhtta

Veháš mii ge

Veháš mii ge oidnui dan golmma riikas gos son lei, ja dá leat oasit das maid Máret Biret muitalii mátki birra.

–Brasilas fitnen muhtin bearraša luhtte ja doppe mii boraimet 3 gitta logi rádjai idjii!

–Perus bargen mánáidruovttus. Go ledjen doppe de lei maid bargoheaitta, ja dat gal lei oalle imáš, ii lean dego bargoheaitta dáppe ruovttus!

– Dominikána Republihkas vásihin eanemus, ja doppe ledje gal olbmot veháš dego dáppe sámis!

Gula sáddaga gos Máret Biret muitalii fearaniid maid vásihii dan golmma riikas!

Máret Biret muhtin boartás Rio de Janeriros
Foto: PRIVAT