Berrejit ovttasbargat

Lea áibbas dárbbašlaš ahte buohcceviessut dál ovttasbarget, vai nagodit čađahit buot diimmuid ja operašuvnnaid maid eai sáhttán čađahit bargoheaitaga áigge. Dan lohká Oslo ja Akershusa buohcciáittardeaddji Anne Lise Kristensen. Finnmárku-buohcceviessu lea okta buohcceviessuin gos leat leamaš bargoheaitagat. Oktiibuot leat riikkas 12.000 diimmut ja operašuvnnat maid eai leat sáhttán čađahit bargoheaitaga dihte.