NRK Meny
Normal

Bealde, beale ja beallái

Dávjá sáhttá nu geavvat ahte sátnehápmi "beale" adnojuvvo hámi "bealde" sajis. Jos eahpidat, ráhkadastte de gos ja gokko gažaldagaid.

Sauer på Osterøy
Foto: Kristian Hovstad / NRK

Dás leat ovdamearkkat mat áiccalmahttet muhtun vejolašvuođaid man láhkai bealde, beale ja beallái geavaheami sáhttá earuhit:

Bealde

Bealde muitala goappá/man bealde gietti, joga, geainnu, skuvlla dahku dáhpáhuvvá dahje gos juoga lea:
1) Gos sii orrot? Sii orrot don bealde joga.
2) Gos dis lea eallu? Dán bealde joga dat lea.

Beale

Beale muitala goappá/man beale olbmo, vári, joga, geainnu, ealu jna. sirdáseapmi dáhpáhuvvá dahje juoga manná:
3) Gokko soai láviiga vázzit márkanii? Don beale joga soai láviiga vázzit.

Beallái

Beallái muitala goappá/man beallái joga, geainnu, sirdáseapmi dáhpáhuvvá:
4) Gosa don luitet sávzzaid? Luiten don beallái áiddi.