NRK Meny
Normal

Barentsovttasbargu buktá buriid

Dál lea Davvi-Norgga nuorain vejolašvuohta oažžut ovttasbarggu Ruošša nuoraiguin. Barentspilohtat muitalit makkár vejolašvuođat leat dán doaimmas.

Barentspilohtat

Per Kristian Bergmo ja Anne Figenschou

Foto: Silje Heitmann Pedersen

Barentsčállingoddi ja Finnmárkku fylkkamánni leat álggahan prošeavtta "Barentspilotene". Pilohtat leaba Anne Figenschou ja Per Kristian Bergmo. Sutno bargun lea johtit Davvi Norgga skuvllaid mielde.

Soai galledeaba sihke nuoraid- ja joatkaskuvllaid gos galgaba nuoraide dovddusin dahkat vejolašvuođaid mat Barentsguovllus leat.

Barentsguovlu Norggas

Norggas gullet golbma davimus fylkka Barentsguvlui/ Barentsregiuvdnii. Dáid fylkkaid nuorat sáhttet gávdnat ovttasbargoguimmiid Ruoššas ja álggahit ovttasbargoprošeavttaid.

Jos gávdna Ruoššas ovttasbargoguoimmi, de sáhttá Barentsčállingottis ja Finnmárkku fylkkamánnis ohcat ruđalaš veahkki prošektii, maid ovttasbargoguoimmit áiggošedje álggahit.