Espen Borge:Mun lean árvvoštallan olu,čuvvon sihke Melodi Grand Prix, Stjernekamp ja Eurovision, muhto in dieđe gal nu olu sámi musihka ja luođi birra.
Espen Borge:Buorre go beasan duinna fárrolaga árvvoštallat!
Máret-Hildur Stueng:Mun gal lean bajásšaddan luđiin, ja lean beroštan sámi musihkas ja juoigamis unnivuođa rájes.
Máret-Hildur Stueng:Ledjen maiddái Sámi Grand Prix juoiganoasi duopmárin 16-jahkásažžan.
Espen Borge:Somá. Visot luođit maid mun lean gullan leat leamaš hui čábbát mu mielas.
Máret-Hildur Stueng:Hui buorre vuolggasadji. Na de ii leat go álgit!
Espen Borge:Mu mielas lei dát okta eahkeda fiidnámus bihtáin, ja liikon hui bures gaskkusteapmái. Lea gal dattege oalle váttis čatnat Per Heimly, nu go mun govahalan su, dása.
Espen Borge:
Máret-Hildur Stueng:Mu mielas lei dát mielahis čáppa luohti.
Espen Borge:Ieš mun dál dáiddán boastut govahallan govvideaddji, muhto mun ráfun goit mihá eambbo go ledjen vuordán.
Espen Borge:Per Heimly han soaitá leat hui oadjudeaddji olmmoš?
Máret-Hildur Stueng:Johan Ánde lea proffa juoigi, ja dat vuhtto hui bures dán bihtás.
Espen Borge:Mun orun dego lossa ja garra, geardduheaddji bargguid siste, juste dego unnavieljaš ieš.
Máret-Hildur Stueng:Mus báhcá dakkár govva ahte son gean juoigá lea luohtehahtti olmmoš gii bargá dan maid lohká iežas áigut bargat.
Espen Borge:Dan dáfus gal sáhttá dadjat ahte dát lea deaivilis ja beaktilis luohti mii gaskkusta áigumuša hui juste. Muhto mun lean ilus go in dárbbaš bargat seamma garrasit go unnavieljaš!
Espen Borge:
Máret-Hildur Stueng:Čáppa juoiganjietna ja hui buorre gaskkustannákca. Mihtilmas Sis-Finnmárkku luohti.
Espen Borge:Dát inspirere mu eaktodáhtolaččat ohcalit aktonasvuođa.
Espen Borge:Dovdduide čuohcci ja hui nuohtalaš luohti.
Máret-Hildur Stueng:Dát čájeha man jaskat lei duoddaris dalle go luohti riegádii ja makkár dovddut sus dalle badjánedje. Luohti čuovuha jaskatvuođa ja duhtavašvuođa.
Máret-Hildur Stueng:Dát lea máilmmidási juoigančehppodat. Nu čáppa jietna, teknihkka, muhto luohti muittuha gal veaháš bearehaga eará luđiid mat juo gávdnojit.
Máret-Hildur Stueng:
Espen Borge:Ii dáidde gal badjánit rievttes dovdu jus guldalat dán luođi Jernbanetorgas Oslos! Dat gudnejahttá aktonasvuođa luonddus ja elliiguin.
Espen Borge:Jörgen Stenberg háliida čájehit morraša mii šaddá go massá eallinvuođu áberávkkolaš huksejeddjiide.
Máret-Hildur Stueng:Luohti manná njuolga mu váibmui.
Máret-Hildur Stueng:Ii leat álki gaskkustit dákkár viiddis fáttá go struktuvrralaš vealaheami/ dáruiduhttima, muhto son gal nagoda. Lea leamaš čeahppi válljet fáttá, ja lea hui servodatáigeguovdil 👏🏻👏🏻🤩
Máret-Hildur Stueng:
Espen Borge:Lea dego fámolaš David Attenborough-dokumentára mii juigojuvvo 1 minuhtas ja 46 sekunddas.
Espen Borge:Ii leat váttis gullat morraša go luondu ja árbevirolaš boazodoalloguovllut billistuvvojit ja manahuvvojit bieggamillo-huksejeddjiide ja fápmorusttetriggáide.
Espen Borge:
Máret-Hildur Stueng:Hui fiinna gaskkusteapmi, don gulat morraša luođis. Dat noađđi mii sápmelaččain lea go šaddet čuožžut ja geahččat ahte olles kultuvra ja árbi rieviduvvo eret.
Espen Borge:Hui nanu ja čielga diehtu duostilis álbmogis mii ánssáša iežas oaivila beassat buktit ovdan.
Máret-Hildur Stueng:Mun gal rievtti mielde in gohčodivčče dán bihtá ollislašvuođa luohtin.
Máret-Hildur Stueng:MUHTO sus lea million-dollar-bill-jietna.
Espen Borge:Movttet ja geasuheaddji!
Espen Borge:Dovddan ahte illudišgoađán giđa lieđđumii, čuvges ijaide ja pandemiijakeahtes árgabeaivái go gulan dán.
Espen Borge:Gal don fal gulat movtta ja doaivaga dás!
Máret-Hildur Stueng:Gollečotta, muhto mu mielas gal dát lea eambbo lávlun/huradeapmi, dađi bahábut. Danne šaddá veaháš váttis mihtidit dán luohtebaromehteris.
Espen Borge:Áddjái soaitá leat álki massit nuoramusa čalmmis – ja čuovvut su skelbmošemiid, ja juste dat dovdu han boahtá ge nu čielgasit ovdan dás. Hui fiinnis!
Espen Borge:
Espen Borge:Hui olu giitu dán hávvái, ráhkis Máret!
Máret-Hildur Stueng:Lei miellagiddevaš lohkat du oaiviliid, Espen.
Máret-Hildur Stueng:Sávan ahte SGP-basilla lea bastán dutnje maid 🤘😃 Mun lean hirpmahuvvan ja measta gáđaštan artisttaid musihkalaš dási.
Espen Borge:Eahpitkeahttá. Lea hui erenoamáš šáŋŋer ja dáiddasuorgi.
Máret-Hildur Stueng:Lean nu rámis iežan sámi našuvnnain ja sámi álbmogiin!
– Jeg skulle besøke noen som bor der, men fikk ikke komme inn. Det har vært stengt for besøk en ukes tid, sier tipseren til Harstad Tidende fredag ettermiddag.
Avisen har forsøkt å få en kommentar fra sykehjemmet, men verken de eller kommuneoverlege Marie Helene Jørgensen, i Tjeldsund kommune ønsker ikke å kommentere saken.
Jan Christian Vestre blir helseminister etter Ingvild Kjerkol. Cecilie Myrseth blir næringsminister, mens Marianne Sivertsen Næss blir fiskeriminister.
Vestre (Ap) kommer fra jobben som næringsminister. Det blir Myrseth (Ap) fra Troms som overtar etter ham. Sivertsen Næss (Ap) fra Finnmark er et nytt fjes i regjeringen og kommer fra rollen som leder av energi- og miljøkomiteen på Stortinget.
De tre ble presentert på Slottsplassen etter et ekstraordinært statsråd på slottet fredag.
