Almmáiolmmoš ii vel gávdnun

Politiijain eai leat vel makkárge dieđut mii muitalivčče mii dahje gosa badjel 50-jahkásaš almmái guhte návdojuvvo leat duššan, sáhttá leat šaddan maŋŋel go su fanas gávdnui vudjon vuossárgga Márnjárgii, olggobeale Skiervvá, Davvi-Tromssas. Ikte leat girdin máŋga tiimma viggan ohcat, muđui maid ohcet fatnasiiguin ja vácci gáddeguora. Otne joatkašuvvá ohcandoaibma.