Hopp til innhold

Álggahit fas olles skuvlavahku

Boahtte čakčii šaddá hui jáhkkimis fas viđabeaivásaš skuvlavahkku, Guovdageainnu vuođđoskuvllas. Dan muitala Guovdageainnu sátnejođiheaddji Johan Vasara, Ságat-áviisii. Vasara muitala ahte lean suohkanstivra eanetlohku mii boahtte mánus boahtá dán mearridit. Máŋgga váhnema eddo ja vuostálaste go suohkan 2013:s ásahii skuvlavahku-ortnega mas ledje dušše njeallje skuvlabeaivve, váilevaš skuvlasáhtu dihtii.

Korte nyheter

  • Ii gartan eahpeluohttámuš

    Sámedikkis jienastedje maŋŋebárgga áirasat eahpeluohttámuševttohusa badjel.

    12 áirasa jienastedje eahpeluohttámuša árvalusa mielde, ja dát áirasat ledje Sámeálbmotbellodat, sorjjasmeahttun áirras ja Nordkalottfolket.

    NSR, Guovddášbellodat, Bargiidbellodat ja Ávjovári Johttisápmelaččaid listu jienastedje evttohusa vuostá.

    Loga ášši dárogillii dás:

  • Jáhkket šaddat 100 bargi eretcealkit

    Álbmotdearvvašvuođainstituhtas jáhkket šaddat 100 bargi eret cealkit.

    Instituhta direktevra, Camilla Stoltenberg dajai maŋŋebárgga iđida Politisk kvarter sáddagis ahte dilli masa instituhtta dál lea šaddan, lea ekstrema. Mannan vahku dieđihii instituhtta ahte sin bargit sáhttet ohcat luohpanmávssu, muhto dasa lassin šaddet eretcealkit bargiid, muitalii Stoltenberg. Áigemearri ohcat luohpanmávssu lea mannan.

    Camilla Stoltenberg FHI
    Foto: Even Bjøringsøy Johnsen / NRK
  • Ruošša vuosttaš «bonju» musea giddejuvvo

    Ruošša vuosttaš «bonju» musea giddejuvvui vuossárgga, danin go Ruošša ođđa lágat ráddjejit vejolašvuođa loktet oidnosii bonju olbmuid kultuvrra.

    Musea lea St. Petersburgas, Ruošša presideantta Vladimir Putina ruovttubáikkis, ja rahppui skábmamánu 2. beaivvi.

    Jus rihkku daid ođđa lágaid, de sáhttá olmmoš biddjot giddagassii dahje sáhkkohallat.