NRK Meny

Ain háldogiddagasas

Badjel 40-jahkásaš almmái guhte lea áššáiduhtton seksuálalaččat illastan máná muhttin mánáidgárddis Álttás, šaddá ain čohkkát giddagasas, go Nuorta-Finnmárkku diggegoddi mearridii sutnje guokte vahku vel háldogiddagasas. Dan gáibidii áššáskuhttineiseváldi go lea várra ahte duođaštusat sáhttet billistuvvot. Dan dadjá Álttá leansmánnekantuvrra dutkanjođiheaddji Svein Erling Mikalsen Altaposten aviisii.