Grand Prix loahppagilvu lagiduvvo Oslos 2 vahko geahčen. Oabbažat Ingrid ja Anette Ballari Nilssen guovttos gal eaba eahppidan veaháge mo "The BlackSheeps" galggai ceavzit Grand Prix oassegilvvus Skienis. Soai leaba eret Bovcás Deanu leagis.
Manai hui bures
Agnete Johnsen lea hui ilus go manai nu bures Grand Prix lávddis, bures son muitala iežas oađđán ija ovdal lávlungilvvu, olles ovcci tiimmu lohká iežas nohkastan. Dál go lea beassan njuolgga finálii, de ballá dattege ahte joavku ii vuoitte. Muhto somán lohká jos joavku beasašii váldo finálii mii lea Duiskkas moatti vahko geahčen.
Čoavjjis dovddai ahte joavku beassá viidáseabbot
Agnete áhčči, Arild Johnsen, lohká iežas čoavjjis dovdan ahte joavku beassá viidáseabbot. Son iiba ballange ahte eai beasa finálii, go son diđii dan ovdal juo.