NRK Meny

Čiegus eaiggádat sáhkohalle

Mátta-Várjjaga ruvkke amas eaiggádat fertejit máksit badjel 200 000 ruvnnu sáhkuid go čiegusin dollet iežaset identitehta. Dan lea australialaš eiseválddiid orgána "takeover Panels" mearridan. Dát orgána goziha ahte dákkár fitnodagaid gávppašeamit čuvvot lágaid. Nu čállá Finnmarken-áviisa. Australia eiseválddit leat maid ain dutkamin, gii oamasta Dalnor Assets fitnodaga, mii eaiggáduššá viđát oasi Girkonjárgga ruvkkes.