Eatnigiella lea gollegiella. Muhto su eatnigillii váilo girjjit, ja danne lei lunddolaš kreatiiva olbmui čálligoahtit ieš. Nu čilge girječálli ja kulturbargi Stig Riembbe Gælok das manne son čálligođii julevsámegillii. Dál ođđajagis son almmuha ođđa mánáidgirjji, ja vaikko márkka girjjiide lea unni de lea su mielas dattege hirbmat dehálaš almmuhit julevsámegiel-girjjiid.
Divttasvuonas bajásšaddan
Stig Riembbe Gælok lea bajasšaddan Divttasvuonas, Nordlánddas. Alla várit ja baskes vuotna lei su mánnávuođa-párádiijas, ja dohko mannetge jurdagat go čállá. Ieš ii šat oro doppe, - dál son lea gávpotsápmelaš. Oslos eallá studeanttaeallima seammás go čállá girjiid ja doaimmaha iežas lágádusa, Baldusine.
Vuosttaš girji almmustuvai 1983:s
Vuosttaš girjji almmuhii son juo 1983s, ja jagiid mielde leat šaddan oktiibuot 16 girjji jietnagirjjiid lassin. Dál son čálla erenoamážit mánáidgirdjiid, ja dál ođđajagis ilbmá mánáidgirjdi.... dárogillii mii lea juo almmuhuvvon lulli,-davvi ja julevsámegielas. Ja su mielas lea ge de hirbmat dehálaš geavahit bajasšaddama juste fal julevsámi-birrasis inspirášuvdnan girjiide.
Girjelágádus Baldusine
Su lágádus Baldusine ii leat go moadde jagi doaibman, dattetge lea háhppehan almmuhit 18-19 girjji ja jietnagirjii. Buot julevásámegillii.