– Sámi álbmotbeaivi lea fiinna, muhto seammás rihča beaivi
Romssa ássi Ida Kristine Juuso Seppola mielas sámi álbmotbeaivi fiinna, muhto seammás rihča beaivi.
– Dat lea fiinna beaivi. Seammás lea lossat go beaivi lahkona. Dalle leat álo digáštallamat sosiála mediain, ahte manin beaivi rievtti mielde gohčoduvvo ja maid dat mearkkaša. Šaddá olu negativitehta. Liikká lea dat eanaš fiinna beaivi, lohká Seppola NRK:ii.
Nuorra nissonolmmoš lea Guovdageainnus eret ja su jearahalaimet sámi álbmotbeaivve, guovvamánu guđát beaivve.
Sámi álbmotbeaivi lea juohke jagi ávvuduvvon Norggas, Ruoŧas, Ruoššas ja Suomas jagi 1993 rájes. Juohke jagi lea garra digáštallan das, ahte leago beaivvi namma dárogillii «samenes nasjonaldag» vai «samefolkets dag».
Beaivvi almmolaš namma dárogillii lea «samenes nasjonaldag».
Les på norsk