Hopp til innhold

– Sáhttá loahpahit buot sámi vuoigatvuođaguorahallama jus FeFo vuoitá

Thoralf Henriksen ovddasta sin geat oaivvildit, ahte dušše sápmelaččat dat oamastit Kárášjoga eatnamiid. Son lohká buot sámi vuoigatvuođaguorahallamiid sáhttit loahpahit jus FeFo vuoitá.

– Dalle sáhttá loahpahit kommišuvnna, meahcceduopmostuolu ja buot dieid proseassaid. Dalle sáhttit maid loahpahit FeFo ja fievrridit buot ruovttoluotta stáhtii. Dalle han ii leat dáin šat miige ulbmiliid. Dalle lea duođaštuvvon, ahte stáhta dat lea eananoamasteaddji, cuiggoda Henriksen.

Rune Sverre Fjellheim lea Kárášjoga gieldda bealde Alimusrievtti gieđahallamis. Son navdá FeFo stuorámus hástalussan lea duođaštit, ahte stáhta dat oamasta dáid eatnamiid.

– Die jáhkán šaddá sin ákkastallan maiddái Alimusrievttis. FeFo ferte maid duođaštit, ahte sápmelaččain eai leat leamaš dahje eai leat oamastanvuoigatvuođat, čilge Fjellheim.

– Mus lea stuorra luohttámuš Alimusriektái, ahte sis boahtá vuđolaš ja buorre duopmu maid mii buohkat dohkkehat.

Nu lohká Finnmárkoopmodaga direktevra Jan Olli NRK Sápmái.

Olli navdá šaddat mearrideaddjin Alimusrievtti dupmui mo Kárášjoga eatnamat áiggiid čađa leat geavahuvvon.

– Mo mii leat geavahan, mo Kárášjoga álbmot lea geavahan ja mo iešguđet joavkkut Kárášjogas leat geavahan eatnamiid, dadjá Olli.

Dál galget 11 alimusriekteduopmára mearridit geas lea oamastanvuoigatvuohta Kárášjoga meahccái. Geahča mo dát duopmárat leat dubmen eará sámi áššiin.

Les på norsk

Thoralf Henriksen
Foto: Torgeir Varsi / NRK

Korte nyheter

  • Riddu Riđđu ansetter ny innholdsprodusent

    Loga sámegillii.

    Europas største urfolksfestival ansetter kåfjordingen Stian Pedersen som innholdsprodusent for to år. Pedersen vil ha et særlig ansvar for blant annet festivalens internasjonale arbeid.

    – Festivalen er uten tvil den viktigste scenen for urfolkskultur i Norge, sier han.

    – Det er ekstremt spennende å få lov til å jobbe med å øke synligheten til våre egne samiske artister både her hjemme og i utlandet.

    Det skriver Riddu Riđđu i en pressemelding.

  • Stian Pedersen Riddu Riđu ođđa sisdoallobuvttadeaddji

    Les på norsk.

    Eurohpá stuorámus eamiálbmotfestivála lea virgádan gáivuotnalačča Stian Pedersena sisdoallobuvttadeaddjin guovtti jahkái. Pedersenis lea erenomáš ovddasvástádus earret eará festivála riikkaidgaskasaš doaimmaide.

    – Festivála lea eahpitkeahttá Norgga eamiálbmotkultuvrra deháleamos lávdi, dadjá Pedersen.

    – Šaddá hui gelddolaš beassat loktet min iežamet sámi artisttaid oidnosii sihke dáppe ruovttus ja olgoriikkas.

    Dan čállá Riddu Riđđu preassadieđáhusas.

  • Muotka ON:i: - Mii fertet fátmmastit nuoraid

    Les på norsk.

    Sámediggepresideanttas, Silje Karine Muotkas, lei sáhkavuorru ONa álgoálbmotáššiid bissovaš forumis. Dohko ledje dievva álgoálbmotovddasteaddjit ja organisašuvnnat miehta máilmmi čoahkkanan.

    Muotka gesii ovdan man dehálaš lea fátmmastit eamiálbmotnuoraid juo árrat, ja čájehii ovdamearkkaid mo nuorat besset Sámedikki mearrádusproseassaide searvat.

    – Nuorat ja mánát vuollel 18 jagi eai oaččo jienastit válggain, ja nuorra jienasteaddjit leat unnitlogus. Danne fertejit mis gávdnot mekanismmat mat sihkkarastet ahte nuorat gullojit, jos mii galgat iešmearrideami doaimmahit.

    Sámediggi lea ásahan sihke sámi nuoraidráđi ja mánáidráđi, nannen dihtii sin jienaid.

    Sámediggepresideanta rámida sámi nuoraid, geat akšunerejedje Fovse-ášši oktavuođas.

    – Min sámi nuorat, ja earát geat sin dorjo, ledje mielde sihkkarastimin ahte Norgga ráđđehus loahpas dovddastii olmmošvuoigatvuođarihkkuma, ja buhtadusdárbbu. Lean nu rámis daid nuorra olmmošvuoigatvuođadáistaleddjiiguin.

    Muotka mielas leat nuoraid jienat politihkas dehálaččat.

    – Ollosat dadjet ahte nuorat leat ihttá beaivvi jođiheaddjit, muhto dat ii leat duohta. Nuorat leat dál jo jođiheaddjit, ja mii fertet sin fátmmastit mearrádusain mat váikkuhit sin eallimii, dajai son.

    Silje Karine Muotka
    Foto: Solveig Katarina Fossum Norberg / NRK