– Presideanta lea vuollánan

Maiddái dánge jagi orru Norgga Sámiid Riikkasearvvi (NSR) jođiheaddji mielas sámediggepresideantta ođđajagisárdni láivi.

Egil Olli

Cuiggodit sámediggepresideantta Egil Olli ođđajagisártni láivin lea šaddan ođđa ođđajagidáhpin.

Foto: Dan Robert Larsen / NRK

– Sámediggepresideanttas lei láivves ođđajagisárdni, lohká Norgga Sámiid Riikasearvvi (NSR) jođiheaddji Aili Keskitalo.

NSRa jođiheaddji Aili Keskitalo maid dadjá ahte Sámedikkipresideanttas lei unnán muitinveara ođđajagisárdni.

Sámediggepresideanta Egil Olli dadjá dán vuoru leat olu maid galggai váldit vuhtii sártnistis.

Sámedikkipresideanta gal lohká leat hárjánan váidalusaide maŋŋel ođđabeaivvisártni, muhto áigu váldit vuhtii moaitámušaid.

Korte nyheter

  • RomsaDál čievččastuvvo johtui

    Odne čievččastuvvo johtui RomsaDál, man ulbmil lea ovddidit sámevuođa Romssa gávpogis ja čájehit vuostemiela rasismii. Áŋgiruššama duogábealde leat earret eará Romssa valáštallansearvi, Romssa ja Finnmárkku spábbačiekčanbiire, Romssa gielda ja máŋga eará searvvi. Prošeaktajođiheaddjin lea virgáduvvon Elle Nystad.

  • Eanetlohku elrávdnjeárvalussii   

    Dál áigot ásahit doarjjaortnega olbmuide geat rahčet máksit divrras elrávdnjerehkegiid. Muhto eai dieđe vel makkár ortnet šaddá. Bargiidbellodat, Guovddášbellodat ja Sosialisttalaš Gurutbellodat leat soahpan ovttas gávdnat čovdosa ja ovddidit iežaset árvalusa Stuoradiggái duorastaga. Lea dehálaš ortnet boahtá ávkin sidjiide geat eanemusat dárbbašit veahkki, lohká SG jođiheaddji Audun Lysbakken.

    Máŋga bellodaga leat jo dáhtton ráđđehusa álggahit doaibmabijuid, ja leat ovddidan árvalusaid, muhto dáidda ii leat vejolaš oažžut eanetlogu, go Bargiidbellodat, Guovddášbellodat ja SG leat ovttas ovddidan árvalusa.

    Ap-leder Jonas Gahr Støre t.h. , Sp-leder Trygve Slagsvold Vedum og SV-leder Audun Lysbakken
    Foto: Terje Pedersen / Terje Pedersen
  • Romsa šaddamin sámi mohtagávpogin

    Dađistaga eanet sámi bivttashábmejeaddjit rahpet gávppi Romssa gávpogis. Gaskavahku rahppui kárášjohkalačča/romsalačča Kajsa Kvernmo gávpi. Sus lea áibbas ođđa bivttasčoakkáldat man dáiddár Britta Marakatt-Labba lea leamaš mielde hábmemin. Kvernmo lea Australiijas váldán hábmenoahpu. Doppe son vuittii bálkkašumi ovttas ovttasbargoguimmiinis, Kate Brook. Mánotbaji áigi kárášjohkalaš Anne Berit Anti rabai Abanti-gávppi Romssas. Ovddežis lea jo Rein Love Clothing fitondagas buvda gávpogis.