Dan son lohká maŋŋá go Hålogalándda lágamanneriekti dubmii guovdageaidnulaš boazoeaiggáda 5000 ruvnnu sturrosaš sáhku máksit go lea bohcco goddán vuogi mielde mii rihkku ealliidsuodjaluslága.
Almmái ja su advokahta Trond Biti eaba dohkket Lágamánnerievtti duomu, ja áiguba ášši geahččalahttit Alimus rievttis.
Ballá váikkuhusain
Nils Henrik Sara ballá ahte dán ášši duopmu sáhttá váikkuhit eará čuoggáide elliidsuodjaluslágas, go elliidsuodjalusláhka ii leat heivehuvvon boazodollui, lohká Sara.
NBR čuovvu gealdduin mii viidáseabbot dáhpáhuvvá áššiin, geavvá go dat Alimusriektái.