– Leat gullan máŋga garra fearána
Geassemánu 1. beaivvi oažžu Stuorradiggi Duohtavuođa- ja soabahankommišuvnna raportta dáruiduhttima ja dan váikkuhusaid birra.
Liv Inger Somby, gii lea oassi kommišuvnnas, muitala ahte sii raportta barggu oktavuođas leat gullan máŋga garra fearána, ja sávvá ahte politihkkárat dál čuovvulit doaimmaiguin mat sáhtte buoridit minoritehtaid dili.
Chr. Michelsens Instituhtta guorahallamat čájehit ahte olbmuid jáhkku ahte kommišuvnna barggut buktet soabaheami lea njiedan.
Politihkalaš ráđđeaddi eamiálbmot áššiin Amnesty Norges, Aili Keskitalos leat alla vuordámušat raportii, ja sávvá das bohtet konkrehtalaš evttohusat movt buoridit sámi ja majoritehta álbmoga oktavuođa.
Liv Inger Somby sávvá dán raportta leat dušše álgun, ja ahte das bohtet eanet prošeavttat ja eambbo fuomášupmi dáruiduhttima váikkuhusaid ektui.