Hopp til innhold

– Gáibida ollislaš guorahallama

Norgga Stuorradikki ealáhuslávdegotti lahttu, Torgeir Trældal, gáibida Riikkadárkkástusa iskat Boalvvir BA reastaluvvama.

Torgeir Trældal, landbrukspolitisk talsmann Frp
Foto: Allan Klo/NRK

Norgga Stuorradikki ealáhuslávdegotti lahttu, Torgeir Trældal, lea čállán reivve eanandoalloministtarii, Lars Peder Brekkii, mas son gáibida ollislaš guorahallama bohccobiergofitnodaga Boalvvir BA reastaluvvama ektui.

– Dát lea dakkár ášši, man Riikkadárkkástus ferte guorahallat, Trældal oaivvilda.

GULDAL: Gáibida guorahallama

Torgeir Trældal lea maiddái Ovddádusbellodaga riikkaságadoalli. Son lohká iežas čađahit politihkkalaš daguid bokte dan, ahte Riikkadárkkástus iskagoahtá dán ášši, dalán dan maŋŋá go son oažžu vástádusa Norgga eanandoalloministtaris.

Mediaásahus TV 2:š beaškalii dán mánu álggus ođđasa das, ahte Boalvvir BA reastaluvvá.

Oaččui 10 miljon

Boalvvir BA lea ožžon máŋga miljon ruvnnu reanttukeahtes loanaid Norgga stáhtas. Fitnodat ii galgga leat máksán dáid loanaid ruovttoluotta nugo bealit ledje šiehttan.

Pengegrafikk Boalvvir
Foto: NRK

Oktiibuot galgá fitnodahkkii leat juolluduvvon lagabui logi miljon ruvnno almmolaš ruhta.

Ii hálit kommenteret

Riikkadárkkástusa doaibmi doaimmahathoavda, Helge Strand Østtveiten, ii hálit kommenteret dan, áigugo Riikkadárkkástus iskkat Boalvvir BA reastadanášši ruhtadeami.

– Son ii sáhte kommenteret dán ášši, go Riikkadárkkástus ii leat árvvoštallan dan. Riikkadárkkástus čađaha dábálaččat riskaanalysa, man vuođul árvvoštallet leago riskka ahte ruđat eai geavahuvvo eavttuid ektui.

– Jus lea riska ahte ruđat eai geavahuvvo eavttuid vuođul, de sii iskagohtet ášši,
Helge Strand Østtveiten čilge.

Korte nyheter

  • Enare: Mener kommunens uttalelse er samefiendtlig

    Over 200 nåværende og tidligere
    innbyggere i Enare kommune i Finland krever at kommunen trekker tilbake sin uttalelse om sametingsloven til Riksdagens valgkomité.

    Ifølge Enare kommune skal alle innbyggere
    i samiske områder ha like rettigheter, og det er ikke nødvendig å ta særskilt hensyn til samenes rettigheter.

    Alle som deltar i underskriftsaksjonen
    mener kommunens uttalelse er samefiendtlig og at det ikke representerer innbyggernes syn.

  • Gáibidit Anár gieldda geassit cealkámuša sámediggelágas

    Badjelaš 200 dálá ja ovddeš Anára gieldda ássi gáibidit, ahte Anár gielda geassá iežas cealkámuša sámediggelágas eret riikabeivviid vuođđoláhkaváljagottis.

    Anára gieldda cealkámuša mielde buot sámeguovllu ássit galggašedje oažžut seammalágan rivttiid, iige sámiid rivttiid leat dárbu vuhtiiváldit sierra.

    Bealiváldima vuolláičállán olbmuid mielas gieldda cealkámuš lea sámiid vuostá iige dat ovddas gieldalaččaid oainnu.

    Geahča ášši otná TV-Ođđasiin.

    Finske sametingspolitikere
    Foto: Suoma riikkabeaivvit