– Leat soahpameahttunvuohta movt tulkot raportta loahppabohtosiid, muitala Vindval hoavda Kerstin Jansbo.
Muhto Ruoŧa eanandoallouniversitehta dutki Anna Skarin, guhte lea jođihan dutkama, lohká ahte sin bargu lea nannejuvvon dutkandieđalaš dárkkisteamis.
Vuođđun Vindvala mearrádussii lea referánsajoavkku cealkámuš gos bieggamillofitnodagat leat mielde, ja gosa boazodoallit eai leat beassan.
Dutki Anna Skarin moaitá garrasit dákkár bargovuogi.
– Ná leat bieggamillofitnodagat beassan áimmahuššat dušše iežaset berostumiid, Skarin oaivvilda.