Barget ođđa Liet-doaluiguin
Liet International lágideaddjit leat dál bargamin lágidit Liet International 2024. Dan duođašta Tjallien Kalsbeek, gii lea okta dain, geat leat álggahan lávlongilvvuid.
– Fargga mii almmuhat Liet International 2024 báikki ja dáhtona, čállá Kalsbeek šleađgapoasttas NRK:i.
Son duođašta seammás, ahte Sámi Grand Prix (SGP) lea cealkán eret ovttasbarggu singuin. SGP:s eai leat duhtavaččat doaluiguin ja dan ávkkis mii doaluin livččii artisttaide.
Liet International lea eurohpá unnitgielaid lávlongilvvut, maidda SGP vuoiti automáhtalaččat beassá searvat.
Dán jagi lávlongilvvut leat 14. Liet International.
Les på norsk