Eai sat searvva Liet lávlongilvvuide
Sámi Grand Prix (SGP) lágideaddjit leat mearridan, ahte sii eai šat searvva Eurohpá unnitlogugielaid lávlongilvvuide «Liet International».
– Mii SGP:s eat leat duhtavaččat doaluiguin ja ávkkis mii doaluin lea artisttaide, čilge SGP buvttadeaddji Ol Johan Gaup NRK:ii.
14. Liet International galggašii Eurovoix World neahttasiiddu dieđuid mielde lágiduvvot dán jagi. Ii leat vel čielggas goas dahje guđe báikkis.
Liet International lágiduvvo juohke nuppi jagi. Sápmi lea viđa geardde vuoitán gilvvuid:
Transjoik (2003), Niko Valkeapää (2004), Johan Kitti/Ellen Sara Bæhr (2006), SomBy (2009) ja Ella Marie Hætta Isaksen (2017).
Les på norsk