- In beassan olgobáikkiide gávtti dihte
Nils Per Henrik Sara ii beassan sisa guovtti olgobáikái Oslos gieskat ja lea behtton. Son oaivvilda ahte bissehedje su go sus lei gákti, olgobáikkiin lea eará čilgehus áššái.
Sara lohká ahte vákta čujuhii sutnje ja logai son ii beasa sisa go lea gákti badjelis, ja lohká maiddái ahte son ii lean measta ba juhkan ge.
Dásseárvo- ja vealahanáššiidáittardeaddji Bjørn Erik Thon lohká ahte jus fal leaš nu ahte son ii beassan sisa dan dihte go lei gákti badjelis de ii leat dat dohkálaš ja dalle lea sáhka vealaheames, ja sivvan manin dat lea vealaheapmi lea danin go ii leat lohpi diskrimineret nuppi olbmo etnisitehta geažil.
Okta eaiggádiin Amazonia By bar olgobáikkis, Erik Jønsson, ii loga vávttaid bissehan Sara gávtti dihte. – Su bissehedje go vávttat oaivvildedje ahte lei beare juhkan, muhto luite Sara sisa go árvvoštalle ášši earreláhkái.
Sara lohká beassan dien báikái, muhto seamma dáhpáhus go muhtin eará báikái manai.
Les hele saken her: Pyntet seg med kofte – ble nektet inngang på utesteder