Juoigga- ja dánssuhedje mánáid
Konseartalatnja lei spagga dievva go Karen Anne Buljo, Biret Ristin Sara ja Ulla Pirttijärvi-Länsman dolle juoigankonseartta Riksscenen:is Oslos.
«Movt áfruvvá oaččui luođi» lei konseartta namma.
Mánát čohkkáje áibbas jaska dan botta go Karen Anne Buljo logai jitnosit iežas girjjis «áfruvvá». Gaskkohagaid juoiggastedje juoigit daid elliid ja olbmuid man birra muitaluvvui girjjis.
Mánát dánso ja juige fárrolagaid juigiiguin.
Biret Risten Sara muitalii NRK:ii ahte mánát orro liikome sin konsertii.
– Mánát leat nu roahkkadat ja mannet juoigga feaskáriid mielde, dajai Sara.