Fuomášedje boasttuvuođaid basseaŋŋas jagi 2014
Boasttuvuođat mat leat dagahan ahte fertejedje giddet Leavnnja basseaŋga mannan vahkkus, ledje juo fuomášuvvon jagi 2014. Máŋga Porsáŋggu vuoddji fertejit dál mátkkoštit Kárášjohkii go áigot hárjehallat, dan geažil go Porsáŋggu gielddas ii leat oktage basseaŋŋa dál rabas. – Gielda lei sávvan ahte sáhtte divvut boasttuvuođaid nu ahte eai dárbbašan giddet basseaŋŋa, dadjá Porsáŋggu gieldda gielddalašteknihkka ja servvodatovdáneami sektorhoavda, Roger Martinussen.