NOAH moaitá ráđđehusa
Noah, elliidvuoigatvuođaid organisašuvdna, moaitá go eiseválddit siđašedje eahpedábálaš goddebivddu dálveáiggi. Birasdirektoráhtta ja Biebmobearráigeahčču lohket dán liigebivddu sáhttit eastadit oaivevuori leavvamis.
Noah moaitá erenoamážit dan go sáhttá addot vejolašvuohta gottiid bivdit vuoji sihke skohteriin ja helikopteriin.
– Lea elliidbiinnideapmi, čállet preassadieđáhusas.