ON doarju Fovsen-Njaarke
ON Nállevealahanlávdegoddi (CERD) ávžžuha mearrádusastis Norgga dalán bissehit bieggamillohuksemiid Åarjel Fovsen Sijte guohtuneatnamiin. Sámiráđđi dat lea Åarjel Fovsen Sijte ovddas Norgga váidán Nállevealahanlávdegoddái. Ja leat čilgen ahte bieggafápmorusttegat váikkuhivčče Åarjel Fovsen Sijte boazodollui nu bahut ahte čuozašedje siidda ja ovttaskas boazodoalli olmmošvuoigatvuođaide. – Dát lea vuosttaš vuoitu min rahčamušain loahpalaččat bissehit dáid huksemiid, dadjá Sámiráđi presideanta Åsa Larsson Blind.