Duhtatmeahttumat Siidda-áššiin
Sámediggepresideanta ja muhtun njunuš dearvvasvuođa bargit eai leat duhtavaččat dasa maid Finnmárkku Buohcciviesu lea dán rádjái bargan Sámi dearvvasvuođa Siidda ásaheami olis. Dál lea dearvvasvuođa ministtar, Bent Høie, iežas seaguhan áššái ja bivdá Davvi Dearvvasvuođa badjelasas váldit eanet ovddasvástádusa áššis.
Bent Høie dadjá ahte davvi Dearvvasvuođas lea našunála ovddasvástádus sámi dearvvašvuhtii ja son lea bivdán sin dál sihkkarastit Sámi dearvvasvuođa Siidda ovdáneami ja sisdoalu.