Ii kommentere meahccelágaáššiid
Eanandoalloministtar Jon Georg Dale (Ob) lea jávohaga áššis ahte máŋgga Davvi-Norgga gieldda leat mearridan váldit meahccelága atnui. NRK Nordlánda lea máŋgii dáhtun jearahallat eanandoalloministara, muhto son ii fástit. Statskog lea guhká hálddašan Tromssa ja Nordlándda mehciid, muhto máŋgga gieldda háliidit báikkálaš hálddašeami, nu mo Meahcceláhka addá. Statskog celkkii gieskat ahte ii beroš gielddaid mearrádusain, go Statskog oaivvilda ahte lea dušše Stuorradiggi mii sáhttá mearridit guđe gielddaide meahcceláhka guoská.