Ii fuollan «sámi ámadaju»
Árran Julevsámi guovddáža direktevra, divttasvuotnalaš Lars Magne Andreassen, dovddasta ahte nuorran árvvoštalai čuohpaduvvot ámadajus, nu ahte ii galgan leat vejolaš oaidnit ahte lea sápmelaš. Nu muitala rahpasit Museumsnytt-nammasaš bláđđái. Odne dadjá Andreassen iežas heahpanan ahte nu jurddašii nuorran, muhto čujuha ovddeš dáruiduhttinpolitihkkii váldočilgehussan.