Háliidit fárret eret
Syrialaš bearaš háliida baicce fárret ruovttoluotta báhtareaddjitealtái Libanonii, ovdalgo dáppe Davvi-Norggas orrut fiinna viesus gos sis lea buot. Syrialaš bearaš, ovccis oktiibuot, fárrejedje Kárášjohkii diibmá čakčat. Sii ožžo viesu mii sin mielas lea fiinnis, doppe leat stohkosat, šattut ja mánát ožžo buot maid dárbbašedje. Muhto Ibrahim bearrašis lea garra dilli. -Mii jáhkiimet mii leat paradiijásii boahtán go beasaimet Norgii, ja buoret dillái. Muhto das rájes go bođiimet, de leat ihkku vátná nahkárat ja mánát čirrot juohke beaivve, nu muitala Jaliah Asad Ibrahim gii lea dán čieža mánáeatni.
