Gáibidit oahppu Stuorragiettis
Eanetlohku suohkanstivrrapolitihkkáriin Divttasvuonas Nordlánddas leat ikte geigen reivve suohkana sátnejođiheaddjái, gos gáibidit ahte vihtta nuoraidskuvllaoahppi farggamusat ožžot oahpahusa Stuorragiettis. Oahppit leat skuvlajagi álggu rájes ožžon oahpahusa ruovttus, go biehttalit mátkkoštit vihtta miilla Ájluovtta skuvlii. Suohkan lea heaittihan báikkálaš fálaldaga Stuorragiettis, go divrrašit dan ja go oahpaheaddjit leat váilon. Suohkanstivrra eanetlohku áitá gáibidit sierra suohkanstivrračoahkkima dán ášši birra, jos sátnejođiheaddji ii čoavdde skuvlariiddu.