Vel okta sámi báikenamma
Odne almmuhii Nordlándda suohkan, Hábmer, ahte suohkan lea mearridan vel ovtta sámi báikenama. Dat lea gilli mas dárogielnamma lea Innhavet, masa dál lea biddjon almmolaš sámi báikenamma; nammalássii «Strávnjunnje». Hábmera suohkana sátnejođiheaddji, Jan Folke Sandnes, lohká uhccán olbmot leat vuosttaldan maŋimuš sámi báikenammamearrádusa.