Fertejit gozihit
Guollebiebmanfitnodat SalMar Nord lea gohččojuvvon gozihit ja maiddái gurret gulliid mat leat gárgidan Romssa čázadagain, maŋŋel go diibmá gárgidedje guolit Kvitfloget nammasaš rusttegis. Gohččun guoská 11 čázádahkii ja dat galgá sihkkarastit ahte dát dáhpáhus ii čuoza báikkálaš guollenáliide, dan čállá guolástusdirektoráhtta. Sullii 5800 biebmoluosa meroštallet gárgidedje Kvitfloget guollebiebmanrusttegis.