Elfápmolinjjá bargguin álget
Duorastaga lágiduvvojit 420 KV el-fápmolinjjá huksenbargguid álggahanriemut Álttás Oarje-Finnmárkkus. Virggálaš doaluide searvá Oljo- ja energiijaministtar, Tord Lien. Statnett leat buot evttohusaid ja mearkkašumiid dárkilit árvvoštallan, dadjá Statnett gulahallanhoavda, Berit Erdal. Elfápmolinjjá guoská badjel 30 boazoorohagaide, ja dain leat vihtta orohaga gáibidan plánaid bissehuvvot. Lákkonjárgga orohatovdaolmmoš, Han Ole Eira lohka imaštit movt Statnett sáhttá álggahit huksenbargguid ovdalgo buot čuolbmabealit leat čielggaduvvon ja čorgejuvvon, go Statnett galggai gulahallat orohagaiguin geat lea caggan huksema, muhto dan ii leat Statnett dahkan, loahpa Eira.