Sør Varanger áviisa ferte cealkit eret 7, 20 bargis, vuovdit áviisavisti ja heaittihit iežaset deattáldaga. Áviissas lei diibmá vuolláibázan 5,4 miljon ruvnno, ja fitnodagas ii leat ráđđi fállat bargiida loahppabuhtadusa, nu lohká beaivválaš jođiheaddji Tor Sara. Ja nu šaddet čieža bargi heaitit oanehis áiggis
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.