Dáhttu guhkidit geahččodili
Tromssa ja Finnmárkku stáhtaadvokáhta dáhttu guhkidit Finnmárkulačča geahččodili masa son dubmejuvvui 2004:s 75-jahkásaš nissonolbmo jápmima oktavuođas Honnesvágis. Geahččodilli guhkiduvvui diibmá guvttiin jagiin. Tromssa ja Finnmarkku stáhtaadvokáhta oaivvilda ahte almmái sáhttá fas roavvasit rihkkut lága. Ášši loktejuvvo Matta-Trøndelaga diggegoddái Čakčamanus.