Dutket jápmima Ráissas
Romssa fylkadoavttir ja politiijat leat iskamin manne okta buohcci jámii davvi Romssas Sonjatun dearvvašvuođaguovddážis Ráissas. Sivvan iskamii lea go váruhit buohcci ožžon menddo olu morfiinna. Buohcci oaččui 2,5 milligrámma sadjái 100 milligrámma morfiinna, čállá Nordlys-áviisa. Gieldda dearvvašvuođa- ja fuolahusjođiheaddji Bodil Mikkelsen čilge áviisii, ahte sii leat iskamin bargovugiideaset dán dáhpáhusa maŋŋá, mii dáhpáhuvai dán mánu álgogeažes.